Komdu að syngja!

Nú verða raddböndin þanin og slegið á létta strengi í Spönginni.

Gítarleikarinn og gleðigjafinn Valli leiðir samsöng þar sem helstu perlur íslenskrar dægurlagasögu verða á boðstólum. Eitthvað gamalt og gott sem flest ættu að þekkja!

Tilvalið er að mæta með alla fjölskylduna – nú eða vinir og vinkonur að taka sig saman og mæta í söngstund. Engrar söngkunnáttu krafist, öll syngja með sínu nefi.

Það er allt í lagi þó að þú kunnir ekki textann, hann verður á skjá svo söngurinn verður leikur einn.

Komdu að syngja er á dagskrá einu sinni í mánuði fram á vor á Borgarbókasafninu Spönginni.

Öll hjartanlega velkomin!

Nánari upplýsingar veitir: Valgeir Gestsson valgeir.gestsson@reykjavik.is | 411 6100